(((حظك اليوم)))
قرب قرب
شوف حظك اليوم
ياابوالشعور ياام الشعور
هانجنن العاقل ونعقل المجنون
ونخلي الفقير غني
والغني يعصر ليمون
وكله مكتوب ومفهوم
لو صعب عليك فهمه
لاهانجبلك الروحاني
المعالج السيد الدكتور
الخبيرميمون
يفهمك سر الخلطه
ويديك سكنتين معجون
أسمع كلامه
دا كلامه فى المضمون
تاخد منه الجرعه
وبعدها تنسي الهموم
تشرب من كوعك ياحلو ياأمور
وكله زين وتمام أكيد مهضوم
خد الباب فى أيدك وشد السيفون
معانا أكبر خبير مشعوذ فى الكون
دكتوراه فى الدجل والشعوذه
بيكتب فى الجرايد صفحة حظك اليوم
وبيطلع على الفضائيات فى برامج التليفزيون
وصاحب أغنية حقق حلمك
عفريتك يهمه أمرك
عفريت لكل مواطن
خبير بالطالع والنازل
ومعلم فى البواطن
ولو أبوك ماعرفش يلمك
عفريتك هايربيك ويزلك
ياشايل الهموم
أتفائل لو مغموم
الجرايد بتوزع سكر ولمون
و فلفل أسود وكمون
عالم فاضيه بتعبي كلام
وتبيعه فى ورقه قدر الإمكان
على شان المهموم والحزين
يحقق حلمه ويعيش فى الدور
أه لوشفت برنامج شغال
كله دجل بياع أوهام
مع الروحاني الفنان
أو الأخت خبيرة الأبرج
تقرأ الطالع وتاخد بعدها إفراج
أسمع يابني هقولك أيه
شاغل نفسك ليه يابيه
شاغل نفسك بالأبراج
بتقرأ جريده متوقع خراب
أعقل شويه دا كله سراب
ولاأنت عاشق للأوهام
وعاوز حد يقرأ لك الفنجان
شوفت عبطك منك بان
وفرقته على حبيابك بالمجان
ياأهبل شيفك فى الطالع خدام
قول كمان وكمان
عاوز فرخه ورجل غراب
هتقدمهم للأسياد
ولع شعله ورد الباب
نهايتك سوده دى سكه هباب
شايف عفريت على الباب
المشعوذ أكيد كذاب
طلع فيل من الدولاب
وخلى الجمل يعوم عوم كلاب
كان نفع نفسه وعاش غلاب
واللى يصدقه ذيه نصاب
عاصي ربه وله ميعاد
ها يدخل النار بدون حساب
بقلمي / محمود صلاح السيد17/6/2016
ليست هناك تعليقات:
إرسال تعليق