رجعلك / بقلم الشاعر محمد عبدالرحيم

رجعلك 

..........

رجعلك .. ولا إيه 

دموعك غايبة ليه ..

ما أهو لما يكون 

معاكي ..

حتى البكا بتنسيه 

ولما يغيب تجيني ..

ودايما بتلاقيني 

بعاتبه عشان 

دموعك ..

وأقوله إزاي يبيعك 

وأنسى إني بحبك ..

لما بصالحك عليه 

وحسة بحبي .. لأة ..

ولاسامعة لقلبي دقة 

وإن كنت معاكي 

ببقى ..

عن نفسي أكيد بعيد 

بس إللي يحب 

يرضى ..

لحبيبه يعيش 

ويرضى ..

وجرحه في قلبه 

يهدا ..

لوشافه كمان سعيد 

..............

أيوة .. إللي يحب يتمنى 

يشوف حبيبه دايما سعيد

حتى لو كان مع حد غيره 

وانا بتمنى لك السعادة 

من كل قلبي 

محمدعبدالرحيم